अभिभावक हो, सन्तानलाई नबुझी अमेरिका नपठाउ

हरेक कुरा को राम्रो र नराम्रो पक्ष हुन्छ, अमेरिका पढ्न आउनु को पनि त्यस्तै छ | मेरो ग्रयाजुयट पढ्न अमेरिका आउंदा उमेर २४ बर्षको थियो, अलि कति भए पनि परिपक्क्ता आइसकेको थियो | एउटा सेमेस्टरको पैसा त घरबाट नै ल्याएको थिएं, बांकिको जगेदा गर्न सार्है दुख: गर्नु पर्यो | धन्न ग्रयाजुयट लेभलमा Assistantship को मौका हुने हुनाले सजिलो भयो, मैले अर्को सेमेस्टर Assistantship पाएं अनि दुख: गरेको पैसाले गाडी पनि किनें | नेपालमा गर्नै नपर्ने धेरै काम बांच्नको लागि यता गर्नु परे पनि नेपालमा बसेर मैले (not generalizing) सिक्नै नसक्ने धेरै कुरा पनि सिकें | विदेशी भएर बसे पछि पो आफ्नो देश भनेको कस्तो हुन्छ भनेर बुझें, साधारण अमेरिकि को जस्तै समस्या को वाबजुद थप immigration status maintain गर्नु पर्ने पनि pressure; नेपालमा भए त कमसेकम immigration status को चिन्ता त हुंदैन थियो | नेपालमा आर्काको मुख ताक्ने बानि भएको म आफ्नो काम आंफै गर्ने भएर निस्कें, यो मेरो अमेरिका बसाईको सबै भन्दा ठुलो उपलब्धि हो | नेपालमा पुर्खौली रुपमा हुदैं आएका कतिपय काम गलत रहेछन भन्ने आभास पनि यतै आएर भयो |

अभिभावकहरु आफ्नो सन्तानलाई अमेरिका पढ्न पठाउन होडबाजी नै गर्छन नेपालमा, १ सेमेस्टरको पैसा पठाए बांकि उतै सजिलै हुन्छ भन्ने भ्रम छ उनिहरुलाइ, अनि Freedom को खोजीमा केहि नबुझी हामफल्छन केटा-केटीहरु पनि | पढाइ धान्न बाउले गालि नगरेका सन्तानहरु भारतिय र चिनिंया साहुको हप्कि खांदै काम गर्छन्, गैरकानुनि रुपमा काम गरे पाछि हप्कि त सुन्नै पर्यो नि | दिनको १२ घण्टा लगातार heavy काम गरेर तिन महिना भित्र घण्टाको $६ (in average) को rate ले अफ्नो २ सेमेस्टरको लागि कम्तिमा पनि ७-१० हजार जम्मा गर्नु पर्ने हुन्छ | लौ आफैं हिशाब गरौं, त्य्त्रो दुख: गरेर पनि पैसा पुराउन गार्हो | तर एउटा राम्रो पक्ष भने छ यसमा, नेपालमा जस्तै मखण्डि भए पनि कामले सुधार्छ यता, कुनै काम ठुलो सानो हुंदैन र जन्मले कोहि ठुलो हुंदैन भन्ने राम्रो पाठ सिक्छन सबैले |

मैले अमेरिका पढ्न नाअउ भन्न खोजेको हैन, तर visa पाउनुनै ठुलो कुरा मन्ने नेपाली प्रविर्तिको बिरोध गरेको हो | अमेरिकामा हजारौं Universities हरु छन्, त्यसैले राम्रो संग आवेदन दिए Scholarship पनि पाइ हालिन्छ, त्यसैले बल visa पाउन भन्दा Scholarship पाउन तिर दिनु पर्यो | मेरो बिचारमा राम भरोसे भन्नु भन्दा नआउनु नै जाति | यदि Scholarship बिना आउनु नै छ भने undergraduate मा हैन graduate लेभलमा आउनु | ग्रयाजुयट लेभलमा आउने एक त परिपक्क पनि हुन्छन अर्को पढाइको अवधि कम भएकोले ऋण गरेर भए पनि धान्न सकिन्छ | मेरो यो सल्लाह पढ्न खोज्नेहरु लाइ मात्र हो है, पढाइको निंहुमा आएर गैरकानुनि रुपमा काम मात्र गरेर बस्न रुचाउनेलाई मेरो भन्नु केहि छैन |